9 Јас Сум вратата; кој ќе влезе низ Мене, ќе биде спасен, ќе влегува и ќе излегува и ќе најде пасиште.
10 Крадецот влегува само да украде, да заколе и да погуби. Јас дојдов за да имаат живот и да го имаат изобилно.”
11 ”Јас Сум Добриот Пастир. Добриот пастир го дава својот живот за овците.
12 Наемникот, кој не е овчар, кому овците не му припаѓаат, го гледа волкот како доаѓа, ги остава овците и бега; а волкот ги разграбува и ги распрснува;
13 зашто е наемник и не се грижи за овците.
14 Јас Сум Добриот Пастир: и ги познавам Моите и Моите Ме познаваат Мене.
15 Како што Татко Ми Ме познава Мене, и Јас Го познавам Мојот Татко; и Јас го давам Мојот живот за овците.