3 Чиний нүцгэн бие ил гарч,чиний ичгүүр ч бас үзэгдэх болно.Би нэг ч хүнийг өршөөхгүйгээр өшөө авна”.
4 Бидний Аврагч түмэн цэргийн ЭЗЭН бол Түүний нэр,Израилийн Ариун Нэгэн.
5 “Халдеичуудын охин,дуугүй суу, харанхуй уруу яв.Чамайг цаашид хаанчлалуудын хатан гэж нэрлэхгүй.
6 Би Өөрийн ард түмэнд хилэгнэн,Өөрийн өвийг жигшсэн.Би тэднийг чиний гарт өгөв.Чи тэдэнд өршөөл үзүүлсэнгүй,бүр өтгөст ч хүнд буулгыг өгөв.
7 Тэгээд чи «Би мөнхөд хатан хаан байх болно» гэж хэлээд,эдгээр зүйлсийг хайхарсангүй,үүнийг дурсан санасангүй.
8 Тэгвэл одоо амарлингуй суугаад,«Би байна, надаас өөр хэн ч байхгүй.Би бэлэвсэн эмэгтэй шиг суухгүй,хүүхдээ алдахыг ч үзэхгүй» гэж зүрхэндээ өгүүлэгч,тачаангуй нэгэн чи үүнийг сонсогтун.
9 Хүүхдээ алдах, бэлэвсрэхийн аль аль нь гэнэт нэг л өдөр чам дээр ирнэ.Чиний илбүүд, чиний ид шид хичнээн хүчтэй чэнэ бүхэн бүрэн хэмжээгээр чам дээр ирнэ.