1 Ndalowa m'munda mwanga, mlongwanga, mkwatibwi:Ndachera nipa yanga ndi zonunkhiritsa zanga;Ndadya uci wanga ndi cisa cace;Ndamwa vinyo wanga ndi mkaka wanga.Idyani, atsamwalinu,Imwani, mwetsani cikondi.
2 Ndinagona tulo, koma mtima wanga unali maso:Ndi mau a bwenzi langa mnyamatayo agogoda, nati,Nditsegulire, mlongwanga, wokondedwa wanga, nkhunda yanga, wangwiro wanga:Pakuti pamtu panga padzala mame,Patsitsi panga pali madontho a usiku.
3 Ndinayankha kuti, Ndabvula maraya anga, ndiwabvalenso bwanji?Ndatsuka mapazi anga; ndiwadetserenii?
4 Bwenzi langa analonga dzanja lace pazenera,Mtima wanga ndi kuguguda cifukwa ca iye,
5 Ndinauka ndikatsegulire bwenzi langa;Pamanja panga panakha nipa.Ndi pa zala zanga madzi a nipa, Pa zogwirira za mpikizo,
6 Ndinamtsegulira bwenzi langalo;Koma ndinampeza, bwenzi langa atacoka.Moyo wanga unalefuka polankhula iye:Ndinamfunafuna, osampeza;Ndinamuitana, koma sanandibvomera.
7 Alonda akuyenda m'mudzi anandipeza,Nandikantha, nanditema;Osunga maguta nandicotsera cophimba canga.
8 Ndikulumbirirani, ana akazi inu a ku Yerusalemu,Mukapeza bwenzi langa, mudzamuuza ciani?Kuti ndadwala ndi cikondi.
9 Bwenzi lako aposa abwenzi ena bwanji,Mkaziwe woposa kukongola?Bwenzi lako aposa abwenzi ena bwanji,Kuti utilumbirira motero?
10 Wokondedwa wanga ali woyera ndi wofiira,Womveka mwa zikwi khumi.
11 Mutu wace ukunga golidi, woyengetsa,Tsitsi lace lopotana, ndi lakuda ngati khungubwi.
12 Ana a maso ace akunga nkhunda pambali pa mitsinje ya madzi;Otsukidwa ndi mkaka, okhala pa mitsinje yodzala.
13 Masaya ace akunga citipula cabzyalamo ndiwo,Ngati mitumbira yoyangapo masamba onunkhira:Milomo yace ikunga akakombo, pakukhapo madzi a nipa.
14 Manja ace akunga zing'anda zagolidi zoikamo zonyezimira zoti biriwiri:Thupi lace likunga copanga ca minyanga colemberapo masafiro.
15 Miyendo yace ikunga zoimiritsa za mwala wonyezimira,Zogwirika m'kamwa mwa golidi:Maonekedwe ace akunga Lebano, okometsetsa ngati mikungudza.
16 M'kamwa mwace muli mokoma: inde, ndiye wokondweretsa ndithu.Ameneyu ndi wokondedwa wanga, ameneyu ndi bwenzi langa,Ana akazi inu a ku Yerusalemu.