36 ‘Ona fa‘amalosi ai lea o i latou uma lava, ‘ona ‘a‘ai ai lea o i latou.
37 E to‘alua selau ma le to‘afitugafulu ma le to‘aono tagata, o i matou uma lava ē nā i le va‘a.
38 ‘Ua mā‘o‘ona i le mea e ‘ai, ‘ona latou fa‘amāmā lea i le va‘a, ‘ua lafo ifo le saito i le sami.
39 ‘Ua ao, ‘ona lē iloa lea e i latou le igoa o le nu‘u; a ‘ua latou iloa atu le tasi faga oneone, ‘ua latou manatu, pe mafai ‘ona fa‘aoso i ai o le va‘a.
40 ‘Ona latou sala ‘ese lea o taula, ma tu‘u atu i le sami, ma tatala fusi o foeuli, ‘ua sisi le la taumua i le matagi, ma fa‘asaga i le matāfaga.
41 ‘Ua lafoa‘i fo‘i i le tolotolo oneone, ‘ona to‘a ai lea o le va‘a, ‘ona pipi‘i mai lea o le taumua, ma ‘ua mausalī lava; a ‘ua malepe le taumuli i le malosi o le galu.
42 ‘Ua taupule tagata tau ‘ia fasiotia ē ‘ua noanoatia, ne‘i ‘a‘au se tasi ma sola.