23 E i‘u fo‘i ‘ina fa‘aumatia le nu‘u o tagata uma lava o ē lē fa‘alogo i lenā perofeta.’
24 O perofeta uma fo‘i ē na fai mai, e āfua ‘iā Samuelu, ma ē na mulimuli mai, o i latou uma lava, ‘ua mua‘i fa‘ailoa mai i latou i nei aso.
25 O fānau ‘outou a le au perofeta, ma le feagaiga sa faia e le Atua ma o tatou tamā, ‘ua fa‘apea mai ‘iā Aperaamo, ‘o so lau fānau fo‘i e manuia ai ‘āiga uma lava o le lalolagi.’
26 O le Atua fo‘i, ‘ua na fa‘atūina mai lana ‘Au‘auna o Iesu, ‘ua ‘auina mai o ia e muamua mai ‘iā te ‘outou, e fa‘amanuia mai ‘iā te ‘outou i le fa‘aliliu‘esega ‘outou ta‘itasi ‘iā ‘outou amioleaga.”