1 Nofoaiga a Tupu

O le ‘au Faipese o le Malumalu

¹O Tavita ma ali‘i o ‘au ‘ua vavae‘eseina mo le galuega i atali‘i o Asafo ma Hemana ma Iutana, e perofeta i kitara ma napeli ma sumepalo; o le faitau fo‘i lenei o i latou o tagata fai galuega e tusa ma a latou galuega. ²O atali‘i o Asafo, o Sakuro ma Iosefa ma Netania ma Asarelu, o atali‘i o Asafo e pule ai Asafo, o lē na perofeta ane e tusa ma le poloa‘iga a le tupu. ³O Iutana; o atali‘i o Iutana, o Ketalaia ma Seri, ma Isaia, o Hasapea ma Matitia, e to‘aono, e pule ai lo latou tamā o Iutana, o lē na perofeta i kitara e fa‘afetai ma vivi‘i atu i le ALI‘I. ⁴O Hemana; o atali‘i o Hemana, o Pukia, o Matania, o Usialu, o Sepuelu ma Ieremota, o Hanania, o Hanani, o Eliata, o Kitaleti ma Romameti-esera, o Isepekasa, o Maloti, o Otira, o Maasiota; ⁵o i latou uma ia o atali‘i o Hemana, o le tagata va‘ai a le tupu i mea a le Atua, e fa‘amaualugaina le nifo. ‘Ua foa‘i mai fo‘i e le Atua ‘iā Hemana o atali‘i e to‘asefulu ma le to‘afa ma afafine e to‘atolu. ⁶O i latou uma ia na pule ai lo latou tamā i pesega i lē fale o le ALI‘I i sumepalo ma napeli ma kitara, mo le galuega i le fale o le Atua, e pei o le poloa‘iga a le tupu ‘iā Asafo ma Iutana ma Hemana. ⁷O le faitau aofa‘i o i latou, ‘atoa ma o latou uso o ē na a‘oa‘oina i pesega i le ALI‘I, o i latou uma ē na popoto, e lua selau ma le valu o sefulu ma le to‘avalu. ⁸‘Ua latou fai ai le vili i o latou tausiga, o ē iti e tusa ma ē matutua, o le a‘oa‘o ma lē ‘ua a‘oa‘oina. ⁹‘Ua fa‘asaga le vili muamua a Asafo ‘iā Iosefa; o lona lua ‘iā Ketalia, o ia ma ona uso ma ona atali‘i, e to‘asefulu ma le to‘alua; ¹⁰o lona tolu ‘iā Sakuro, o ia ma ona atali‘i ma ona uso, e to‘asefulu ma le to‘alua; ¹¹o lona fa ‘iā Iesaru, o ia ma ona atali‘i ma ona uso, e to‘asefulu ma le to‘alua; ¹²o lona lima ‘iā Netania, o ia ma ona atali‘i ma ona uso, e to‘asefulu ma le to‘alua; ¹³o lona ono ‘iā Pukia, o ia ma ona atali‘i ma ona uso, e to‘asefulu ma le to‘alua; ¹⁴o lona fitu ‘iā Isaraelu, o ia ma ona atali‘i ma ona uso, e to‘asefulu ma le to‘alua; ¹⁵o lona valu ‘iā Isaia, o ia ma ona atali‘i ma ona uso, e to‘asefulu ma le to‘alua; ¹⁶o lona iva ‘iā Matania, o ia ma ona atali‘i ma ona uso, e to‘asefulu ma le to‘alua; ¹⁷o lona sefulu ‘iā Semi, o ia ma ona atali‘i ma ona uso, e to‘asefulu ma le to‘alua; ¹⁸o lona sefulu ma le tasi ‘iā Asareelu, o ia ma ona atali‘i ma ona uso, e to‘asefulu ma le to‘alua; ¹⁹o lona sefulu ma le lua ‘iā Hasapea, o ia ma ona atali‘i ma ona uso, e to‘asefulu ma le to‘alua; ²⁰o lona sefulu ma le tolu ‘iā Sopaelu, o ia, ma ona atali‘i ma ona uso, e to‘asefulu ma le to‘alua; ²¹O lona sefulu ma le fa ‘iā Matitia, o ia, ma ona atali‘i ma ona uso, e to‘asefulu ma le to‘alua; ²²o lona sefulu ma le lima ‘iā Ieremota, o ia ma ona atali‘i ma ona uso, e to‘asefulu ma le to‘alua; ²³o lona sefulu ma le ono ‘iā Hanania, o ia ma ona atali‘i ma ona uso, e to‘asefulu ma le to‘alua; ²⁴o lona sefulu ma le fitu ‘iā Isepekasa, o ia ma ona atali‘i ma ona uso, e to‘asefulu ma le to‘alua; ²⁵o lona sefulu ma le valu ‘iā Hanani, o ia ma ona atali‘i ma ona uso, e to‘asefulu ma le to‘alua; ²⁶o lona sefulu ma le iva ‘iā Maloti, o ia ma ona atali‘i ma ona uso, e to‘asefulu ma le to‘alua; ²⁷o lona lua sefulu ‘iā Eliata, o ia ma ona atali‘i, ma ona uso, e to‘asefulu ma le to‘alua; ²⁸o lona lua sefulu ma le tasi ‘iā Otira, o ia ma ona atali‘i ma ona uso, e to‘asefulu ma le to‘alua; ²⁹o lona lua sefulu ma le lua ‘iā Kitaleti, o ia ma ona atali‘i ma ona uso, e to‘asefulu ma le to‘alua; ³⁰o lona lua sefulu ma le tolu ‘iā Maasiota, o ia ma ona atali‘i ma ona uso, e to‘asefulu ma le to‘alua; ³¹o lona lua sefulu ma le fa ‘iā Romameti-esera, o ia ma ona atali‘i ma ona uso, e to‘asefulu ma le to‘alua.#