1 Nofoaiga a Tupu

O le Gafa o Peniamina

¹‘Ua fānaua fo‘i e Peniamina o Pela lana ulumatua, o lona lua o Asepelu ma lona to‘atolu o Aara, ²o lona to‘afa o Noaa ma lona to‘alima o Rafa. ³O atali‘i nei o Pela; o Atara ma Kira ma Apiuta, ⁴o Apisua fo‘i ma Naamanu ma Aoki, ⁵o Kira ma Sufimo ma Huramo. ⁶O atali‘i ia o Akuta; o i latou ia o matai sili i ē na mau i Kipea, ‘ua latou tāfea i latou i Manaka; ⁷o Naamanu fo‘i ma Akia ma Kira; ‘ua ia fa‘atāfeaina i latou; na fānaua fo‘i e ia o Usa ma Akiuta. ⁸‘Ua fānaua ni atali‘i o Saaraima i le nu‘u o Moapi, ‘ina ‘ua ‘a‘au‘eseina i latou e ia. O Husema ma Paara, o ana avā ia. ⁹Na fānaua e ia a‘i ‘iā Hotesa lana avā o Iopapa ma Sepea ma Mesa ma Malekama, ¹⁰o Ieusa fo‘i ma Savia ma Merema. O ona atali‘i ia, o matai sili. ¹¹Na fānaua e Husema, o Apitopa ma Elipaalu. ¹²O atali‘i o Elipaalu; o Eperu ma Mesama ma Semeri, o lē na faia Ono ma Loto ma ona faoa ‘a‘ai. ¹³O Peria fo‘i ma Sema, o matai sili ia i ē na nonofo i Ailona, o ē na tulia i latou sa nonofo i Kata; ¹⁴o Aio, o Sasaka ma Ieremota, ¹⁵o Sepatia fo‘i ma Arata ma Eteru, ¹⁶o Mekaeli fo‘i ma Isepa ma Ioka, o atali‘i o Peria. ¹⁷O Sepatia fo‘i ma Mesulama ma Hiseki ma Kaveru, ¹⁸o Isemerai fo‘i ma Iselia ma Iopapa, o atali‘i o Elipaalu. ¹⁹O Iakima fo‘i ma Sekari ma Sapati, ²⁰o Elienai fo‘i ma Seletai ma Elielu, ²¹o Ataia, ma Peraia, ma Semerata, o atali‘i o Sema. ²²O Isefana fo‘i ma Eperu ma Elielu, ²³o Apetonu fo‘i ma Sekeri ma Hanana, ²⁴o Hanania fo‘i ma Elama ma Anetotia, ²⁵o Ifetia ma Penieli, o atali‘i o Sasaka. ²⁶O Sameserai fo‘i ma Sekareia ma Atalia, ²⁷o Iaaresea fo‘i ma Elia ma Sekari, o atali‘i o Ieroama. ²⁸O matai sili ia i o latou tupulaga, o matai sili ia, sa mau i latou i Ierusalema. ²⁹Sa mau le tamā o Kipeona i Kipeona; o le igoa o lana avā o Maaka. ³⁰O lona atali‘i le ulumatua o Apetonu, i le ma Suro ma Kiso ma Paala ma Natapu, ³¹o Kitoru fo‘i ma Aio ma Sakaria. ³²‘Ua fānaua e Mekelota o Sema. ‘Ua latou mau fo‘i fa‘atasi ma o latou uso i Ierusalema, ‘ua fa‘afeagai ma o latou uso.

O ‘Āiga o le Tupu o Saulo

³³‘Ua fānaua e Neru o Kiso, ‘ua fānaua fo‘i e Kiso o Saulo, ‘ua fānaua fo‘i e Saulo o Ionatana ma Makisua ma Apinatapa ma Esepaala. ³⁴O le atali‘i o Ionatana o Meripaala; ‘ua fānaua e Meripaala o Mika. ³⁵O atali‘i o Mika, o Pitonu ma Meleka ma Tarea, ma Aasa. ³⁶‘Ua fānaua e Aasa o Ieoata; ‘ua fānaua fo‘i o Ieoata o Alemetu ma Asemau ma Semeri; ‘ua fānaua e Semeri o Mosa. ³⁷‘Ua fānaua fo‘i e Mosa o Pinea; o Rafa lona atali‘i, o Eliasa lona atali‘i, o Aselu lona atali‘i. ³⁸O atali‘i o Aselu e to‘aono, o latou igoa fo‘i ia, o Aserikama, o Pokeru ma Isamaeli ma Searia ma Opetaia ma Hanana. O i latou uma ia o atali‘i o Aselu. ³⁹O atali‘i o Eseki o lona uso; o Ulama le ulumatua, o Iuso o lona to‘alua, o Elipelete o lona to‘atolu. ⁴⁰O atali‘i o Ulama o tagata fitafita lava, o ē fanafana i ‘aufana, ‘ua to‘atele o latou atali‘i ma atali‘i o latou atali‘i, o to‘aselau ma le to‘alimagafulu. O i latou uma ia o le fānauga a Peniamina.#