1 O atali‘i o Isakara; o Tulaga ma Pua, o Iasuvi, ma Semarona, e to‘afa.
2 O atali‘i o Tulaga; o Usi ma Refaia ma Ierielu ma Iakimai ma Ipesami ma Samuelu, o matai sili ia o ‘āiga o latou tamā, o lo sa Tulagā; o tagata fitafita lava i o latou tupulaga; o le faitau o latou i ona po o Tavita e lua sefulu o afe ma afe e lua ma le to‘aono o selau.
3 O le fānau a Usi, o Isaraia; o atali‘i fo‘i o Isaraia; o Mekaeli ma Opetaia ma Ioelu ma Isea, e to‘alima; o matai sili uma i latou.
4 Sa ‘iā te i latou fo‘i i o latou tupulaga, i le ‘āiga o latou tamā, o ‘au e tau ai tau‘a, e tolu sefulu o afe ma afe o ono; auā e to‘atele a latou avā ma fānau.
5 O latou uso fo‘i i ‘āiga uma o Isakara o tagata fitafita lava i latou. E valu sefulu o afe ma afe e fitu i latou ‘ina ‘ua tusigafaina uma.
6 O atali‘i o Peniamina; o Pela ma Pekaru ma Ietiaelu, e to‘atolu.
7 O atali‘i fo‘i o Pela; o Eseponu ma Usi ma Usialu, ma Ierimota ma Iri, o to‘alima; o matai sili o le ‘āiga o latou tamā, o tagata fitafita lava. E lua sefulu o afe ma afe e lua ma le to‘atolu o sefulu ma le to‘afa sa tusia o latou gafa.
8 O atali‘i o Pekaru; o Semira ma Ioasa ma Elisara, ma Elioenai ma Omeri ma Ierimota ma Avia ma Anatota ma Alemetu. O i latou uma ia o atali‘i o Pekaru.
9 E lua sefulu o afe ma le lua o selau sa tusia o latou gafa, i o latou ‘āiga. O matai sili o ‘āiga o latou tamā, o tagata fitafita lava i latou.
10 O le fānauga a Ietiaelu; o Pileana; o atali‘i o Pileana; o Iuso, ma Peniamina ma Euta ma Kinaana, ma Setana ma Tasesa ma Aiseara.
11 O i latou uma ia o le fānauga a Ietiaelu, o matai sili o ‘āiga o latou tamā, o tagata fitafita lava, e sefulu afe ma afe e fitu ma le lua o selau e ō i le tau‘a e tau.
12 O Supimo fo‘i ma Hupimo, o atali‘i o Iri; o Husema o le atali‘i o Aera.
13 O atali‘i o Nafatali; Kasielu ma Kuni ma Iesaru ma Selimo, o fānau a Pila.
14 O atali‘i o Manase; o Aserieli, na fānaua e ia; o lana palake o le fafine Suria ia, na fānaua e ia o Makiro le tamā o Kiliata.
15 Na fai avā Makiro i le tuafafine o Hupimo ma Supimo, o le igoa o lo lā‘ua tuafafine o Maaka; o le igoa o lona lua o Selofeata lea; na i ai fo‘i ia Selofeata o afafine.
16 Na fānau mai e Maaka o le avā a Makiro o le tama tane, ‘ua ia fa‘aigoa ‘iā te ia o Peresa; o le igoa fo‘i o lona uso o Seresa; o ona atali‘i fo‘i o Ulama ma Rekema.
17 O le atali‘i fo‘i o Ulama; o Petana. O le fānauga ia a Kiliata, le atali‘i o Makiro, le atali‘i o Manase.
18 O lona tuafafine o Hamoleketa na fānau e ia Isota ma Apieseru ma Maala.
19 o atali‘i ia o Semita, o Aiana ma Sakema ma Liki ma Aniama.
20 O le fānauga a Efaraima; o Sutelu lona atali‘i, ma Pereta lona atali‘i ma Taata lona atali‘i ma Eleata lona atali‘i ma Taata lona atali‘i,
21 o Sapata lona atali‘i ma Sutelu lona atali‘i ma Eseru ma Elata, o ē na fasiotia e tagata o Kata ē na fānaua i le nu‘u; auā ‘ua latou ō ifo e ‘ave ‘iā latou manu.
22 ‘Ua fa‘anoanoa Efaraima lo latou tamā i aso e tele, ‘ua ō mai fo‘i ona uso e fa‘amafanafana ‘iā te ia.
23 ‘Ua alu ane o ia i lana avā, ‘ua tō ai o ia, ‘ona fānau mai ai lea o le tama tane, ‘ua ia fa‘aigoa fo‘i ‘iā te ia o Peria, auā o le mala ‘ua o‘o i lona ‘āiga.
24 O lona afafine fo‘i o Seeru, na faia e ia o Peteorana i lalo ma lē i luga ma Usena-seeru.
25 O Refa lona atali‘i, o Resefa fo‘i ma Talaka lona atali‘i ma Taana lona atali‘i,
26 o Latana lona atali‘i, o Ameuta lona atali‘i, o Elisama lona atali‘i,
27 o Nona lona atali‘i, o Iosua lona atali‘i.
28 O latou fanua ma mea e mau ai, o Peteli ma ona faoa ‘a‘ai, o Naarana fo‘i i le itū i sasa‘e ma Kasera i le itū i sisifo ma ona faoa ‘a‘ai, o Sekema fo‘i ma ona faoa ‘a‘ai, e o‘o i Kasa ma ona faoa ‘a‘ai.
29 ‘Ua pito ane i tuā‘oi o le fānauga a Manase, o Peteseana ma ona faoa ‘a‘ai, o Taanaka ma ona faoa ‘a‘ai, o Mekito ma ona faoa ‘a‘ai, o Toru ma ona faoa ‘a‘ai.O ‘a‘ai ia ‘ua mau ai le fānauga a Iosefa le atali‘i o Isaraelu.
30 O atali‘i o Asera; o Iemina ma Iesiva ma Iesivi, ma Peria ma lo latou tuafafine o Sera.
31 O atali‘i fo‘i o Peria; o Kaveru ma Mekielu, o ia le tamā o Piresaito.
32 ‘Ua fānaua o Kaveru o Iafeleta ma Semeri ma Hotama, ma lo latou tuafafine o Suea.
33 O atali‘i o Iafeleta; o Pasaka ma Pimeala ma Aseveta. O atali‘i ia o Iafeleta.
34 O atali‘i o Semeri; o Aki, ma Roka, o Ieupa ma Arama.
35 O atali‘i o lona uso o Helema; o Sofa ma Imena ma Selesa ma Amala.
36 O atali‘i o Sofa; o Suaka ma Arenefa ma Suala, ma Peri ma Imera,
37 o Peseri ma Hota ma Sama ma Selesa ma Ietero ma Peira.
38 O atali‘i o Ietero; o Iefune ma Pisepa ma Ara.
39 O atali‘i o Ula; o Araka ma Hanieli ma Risea.
40 O i latou uma ia le fānauga a Asera, o matai sili o ‘āiga o latou tamā, ‘ua filifilia, o tagata ‘ua fitafita lava, o matai sili i ali‘i. O le faitau aofa‘i o i latou sa tusia o latou gafa, o ‘au e tau ai le tau‘a, e lua sefulu ma le ono o afe o tagata.