25 Sinabi ni Yahweh kay Moises,
26 “Tawagin mo ang paring si Eleazar at ang matatandang pinuno ng bayan at bilangin ninyo ang mga nasamsam.
27 Pagkatapos, hatiin ninyo; ang isang bahagi ay para sa mga kawal, at ang isa'y para sa taong-bayan.
28 Kunin mo ang isa sa bawat limandaang hayop o taong makakaparte ng mga kawal.
29 Ibigay mo ito sa paring si Eleazar bilang handog kay Yahweh.
30 Sa kaparte naman ng bayan, kunin mo ang isa sa bawat limampung tao o hayop, at ibigay mo naman sa mga Levita na nangangalaga sa tabernakulo.”
31 Ginawa nga nina Moises at Eleazar ang ipinag-utos ni Yahweh.