19 ``နေ့အခါနေသည်လည်းကောင်း၊ ညဥ့်အခါလသည်လည်းကောင်း၊သင်၏အလင်းဖြစ်တော့မည်မဟုတ်။ငါထာဝရဘုရားသည်သာလျှင်သင်၏ အတွက် ထာဝစဉ်အလင်းဖြစ်လိမ့်မည်။ငါ၏ဘုန်းအသရေရောင်ခြည်တော်သည်သင့်အပေါ်၌ထွန်းလင်းလိမ့်မည်။
20 ငါထာဝရဘုရားသည်သင်၏အတွက်နေလတို့ထက် ပိုမိုတည်တံ့သည့်ထာဝစဉ်အလင်းဖြစ်လိမ့်မည်။ထို့ကြောင့်သင်ဝမ်းနည်းပူဆွေးရာနေ့ရက်များသည် ကုန်ဆုံး၍သွားလိမ့်မည်။
21 သင်၏လူအပေါင်းတို့သည်မှန်ရာကိုပြုကျင့် ကြလျက်၊ပြည်တော်ကိုအစဉ်အမြဲပိုင်ဆိုင်ရကြလိမ့်မည်။လူအပေါင်းတို့ရှေ့တွင်ငါ၏ဘုန်းတော်ကို ထင်ရှားစေရန်၊ငါသည်သူတို့ကိုပြုစုပျိုးထောင်ခဲ့ပြီ။
22 သင်၏အနည်းဆုံးအညံ့ဆုံးသောသူပင်လျှင်၊ထောင်ချီလျက်များပြားလာပြီးတန်ခိုးကြီးမားသည့်လူမျိုးသဖွယ်ကြီးမြတ်၍ လာလိမ့်မည်။အချိန်ကျလျှင်ငါသည်ဤအတိုင်းလျင်မြန်စွာ ဖြစ်ပျက်စေတော်မူမည်။ငါသည်ထာဝရဘုရားဖြစ်တော်မူပါသည် တကား။''