10 O a kgukguna, o a kgasa, mme ba madimabe ba wela marong a hae.
11 Pelong ya hae o re: Modimo o a lebala, o patile sefahleho sa wona, ha o tadime le ka mohla o le mong!
12 Tsoha, Jehova! Oho Modimo, otlollela letsoho la hao hodimo. O se ke wa lebala ba madimabe!
13 Na ya kgopo o nyedisetsang Modimo, ha a re pelong ya hae: Ha o batlisise?
14 Athe o a bona; hobane o tadima hlokofalo le matshwenyeho, mme o di ngola letsohong la hao. Ya madimabe o itshepetse wena; esale o le moemedi wa kgutsana.
15 Roba letsoho la ya kgopo, o batlisise bokgopo ba motho e mobe, ho fihlela o sa hlole o mo fumana.
16 Jehova ke Morena wa kamehla, ya sa feleng. Baditjhaba ba fediswa lefatsheng la hae.