57 KHETH. Jehova ke kabelo ya ka; ke re ke tla boloka mantswe a hao.
58 Ke batlile sefahleho sa hao ka pelo yohle ya ka; o nkgauhele ka pallo ya hao.
59 Ke nahana metsamao ya ka, ke lebisetsa maoto a ka dikeletsong tsa hao.
60 Ke a phakisa, ha ke diehe ho boloka ditaelo tsa hao.
61 Meqetjhe ya ba babe e nteetse hare; empa ha ke lebale molao wa hao.
62 Ke tsoha bosiu bo boholo ho o rorisa, bakeng sa dikahlolo tsa ho loka ha hao.
63 Ke tlwaelane le bohle ba o tshabang, le ba bolokang ditemoso tsa hao.