10 A kalla kerubime, a fofa, a haola ka mapheo a moya;
11 a ipopa ka lefifi ho tshabela teng, a ikopa ka metsi a matsho le ka maru a lefifi.
12 Kganyeng e mo etellang pele, ha tswa maru a emereng sefako le mashala a hlenneng.
13 Jehova a duma lehodimong, Mookamedi ya phahameng a utlwahatsa lentswe la hae, e le difako le mashala a hlenneng.
14 A betsa metsu ya hae, a ba qhalanya ka yona, a tsekemisa mahadima a sa balweng, mme a ba qhemetsa.
15 Mangope a lewatle a hlaha, metheo ya lefatshe ya hloboleha ka kgalemelo ya hao, Jehova, ka pudulo ya moya o tswang dinkong tsa hao.
16 A nanabetsa letsoho a le phahameng, a ntshwara, a nkgula metsing a maholo.