13 Jehova a duma lehodimong, Mookamedi ya phahameng a utlwahatsa lentswe la hae, e le difako le mashala a hlenneng.
14 A betsa metsu ya hae, a ba qhalanya ka yona, a tsekemisa mahadima a sa balweng, mme a ba qhemetsa.
15 Mangope a lewatle a hlaha, metheo ya lefatshe ya hloboleha ka kgalemelo ya hao, Jehova, ka pudulo ya moya o tswang dinkong tsa hao.
16 A nanabetsa letsoho a le phahameng, a ntshwara, a nkgula metsing a maholo.
17 A nnamolela ho sera sa ka se matla, le ho ba ntlhoileng ba mphetang ka matla.
18 Ba ne ba mpatetse mohla ke leng tsietsing, Jehova ya mpa ya eba seikokotlelo sa ka.
19 A nntshetsa sebakeng, a mpholosa; hobane a ne a nthata.