10 Jehova o etsa merero ya batho ntho feela; o tshwephola mehopolo ya ditjhaba.
11 Merero ya Jehova e tiile ka ho sa feleng, mehopolo ya pelo ya hae e eme ka ho sa yeng kae.
12 Ho lehlohonolo setjhaba seo Jehova e leng Modimo wa sona, le batho bao a ikgethetseng bona ho ba lefa la hae!
13 Jehova o tadima a le lehodimong, o bona bara ba batho kaofela.
14 Nqalong ya bodulo ba hae o lemoha baahi ba lefatshe kaofela.
15 Ke yena ya bopileng dipelo tsa bona bohle, ya elang mesebetsi ya bona kaofela hloko.
16 Ha ho morena ya ka hlolang ka bongata ba makgotla a hae, ha ho mohale ya ka bolokehang ka boholo ba matla a hae.