9 Hobane, ha a bua, ho ye ho hlahe ntho; leha a laela, e ye e be teng.
10 Jehova o etsa merero ya batho ntho feela; o tshwephola mehopolo ya ditjhaba.
11 Merero ya Jehova e tiile ka ho sa feleng, mehopolo ya pelo ya hae e eme ka ho sa yeng kae.
12 Ho lehlohonolo setjhaba seo Jehova e leng Modimo wa sona, le batho bao a ikgethetseng bona ho ba lefa la hae!
13 Jehova o tadima a le lehodimong, o bona bara ba batho kaofela.
14 Nqalong ya bodulo ba hae o lemoha baahi ba lefatshe kaofela.
15 Ke yena ya bopileng dipelo tsa bona bohle, ya elang mesebetsi ya bona kaofela hloko.