14 wena motshepuwa eo re neng re buisana le wena hamonate, eo re neng re ya le wena ka tlung ya Modimo re ena le setjhaba!
15 Lefu a le ke le ba tshware sehloho, ba tle ba theohele nqalong ya bafu ba sa utlwa! hobane bolotsana bo matlung a bona, bo mahareng a bona.
16 Haele nna, ke ntse ke howeletsa ho Modimo, mme Jehova o tla mpoloka.
17 Mantsiboya, le hosasa, le motshehare, ke ntse ke dumaela, ke sisa pelo, mme o tla utlwa lentswe la ka.
18 O tla ntlosa ke pholohile ntweng ena ba ntwantshang ka yona, leha ba ntwantshang ba le bangata.
19 Modimo o tla nkutlwa, o ba kokobetse, batho bao ba sa bakeng, ba sa tshabeng Modimo, kanthe o dutse teroneng ya wona kamehla le mehla. (Sela.)
20 Ba ntsha matsoho a bona ho tshwara ba dutseng ka kgotso le bona, ba roba selekane sa bona.