3 Ba bolotsana ba kgelohile esale ba etswa popelong, mahata a lahlehile esale a hlaha;
4 ba na le mahloko a kang a dinoha, ba tshwana le marabe a ithibanyang ditsebe,
5 a tle a se ke a mamela lentswe la moupelli le la ngaka e tsebang ho upa.
6 Modimo, o ba robe meno melomong ya bona! Jehova, pshatla mehlahare ya ditau!
7 Ba fele jwaloka metsi a phallang, metsu eo ba e fulang e thithibane.
8 Ba be jwaloka kgofu e menyelang e ntseng e eya, ba be jwaloka sefolotsana sa mosadi se sa kang sa bona letsatsi.
9 Dipitsa tsa lona di eso ho utlwe mollo wa meutlwa, e metala le e tukileng e tla phamolwa hammoho ke setsokotsane.