20 Dinyefolo di robile pelo ya ka, ke bohloko haholo; ke lebeletse ba nkgauhelang, mme ba hlokahetse; ka batla le batshedisi, mme ha ke bone le a mong.
21 Ba nneile nyoko e be dijo tsa ka, mme ho nyorweng ha ka ba nnositse asene.
22 Tafole ya bona a e ke e ba fetohele lemena le sefi boiketlong ba bona!
23 Mahlo a bona a ke a ntshofale, a lese ho bona; matheka a bona a ke a kgwehle kamehla!
24 O tshollele bohale ba hao hodima bona, mollo wa kgalefo ya hao o ba fihlele!
25 Meaho ya bona e ke e fetohe dithako, ho se ke ha eba motho ya dulang ditenteng tsa bona!
26 Hobane ba hlorisa eo o mo otlileng, ba rata ho bolela mahloko a bao o ba hlabileng.