5 Oho Modimo, o tseba diphoso tsa ka, le ditlolo tsa ka ha di a pateha ho wena.
6 Morena, Jehova wa makgotla, ba o tshepang ba se ke ba hlajwa ke dihlong ka baka la ka; Modimo wa Iseraele, ba o batlang ba se ke ba swaba ka baka la ka.
7 Hobane ke ka baka la hao ke jereng ditshomo; sefahleho sa ka se kwahetswe ke dihlong.
8 Ke fetohile osele ho banabeso, ya sa tsejweng ho bara ba mme.
9 Hobane tjheseho ya ntlo ya hao e ntjele, mme dinyefolo tsa ba o nyefolang di nkwela hodimo.
10 Ha ke ntse ke lla ke itima dijo, hoo ho mphetohela nyediso;
11 ha nka ikapesa ka lesela le mahwashe le teng ke tsosa ditshomo tsa bona.