15 Wa tsaradisa mehlodi le melatswana, wa pshesa dinoka tse sa psheng le mehla.
16 Nyene ke ya hao, le bosiu ke ba hao; o entse lesedi le letsatsi.
17 O beile meedi kaofela ya lefatshe; lehlabula le mariha ke wena ya di entseng.
18 Hopola hoba sera se nyefotse Jehova, le hoba setjhaba se hlanyang se rohakile lebitso la hao.
19 O se ke wa neela selalome moya wa leebakgorwana la hao, o se ke wa nna wa lebala bophelo ba bahlomohi ba hao.
20 O hopole selekane sa hao, hobane dinqalo tse ntsho tsa lefatshe di tletse mahaha a dihlola.
21 O se ke wa kgutlisa motujwa ka maswabi; mohlomohi le ya lesitsi ba ke ba rorise lebitso la hao.