1 Binelang Jehova sefela se setjha; binelang Jehova, lona, baahi bohle ba lefatshe!
2 Binelang Jehova, le rorise lebitso la hae, le bolele poloko ya hae ka matsatsitsatsi.
3 Le bolele kganya ya hae hara ditjhaba, le mehlolo ya hae hara mefuta yohle!
4 Hobane Jehova o moholo, o lokelwa ke ho roriswa ka ho fetisisa; o tshabeha ho fetisa medimo kaofela;
5 hobane medimo yohle ya ditjhaba ke ditshwantsho feela, empa Jehova o entse mahodimo.