1 Ona rwygit y nefoedd, a disgyn, fel y toddai'r mynyddoedd o'th flaen di,
2 Fel pan losgo'r tân greision, y pair y tân i'r dwfr ferwi; i hysbysu dy enw i'th wrthwynebwyr, fel yr ofno'r cenhedloedd rhagot!
3 Pan wnaethost bethau ofnadwy ni ddisgwyliasom amdanynt, y disgynnaist, a'r mynyddoedd a doddasant o'th flaen.
4 Ac erioed ni chlywsant, ni dderbyniasant â chlustiau, ac ni welodd llygad, O Dduw, ond tydi, yr hyn a ddarparodd efe i'r neb a ddisgwyl wrtho.