7 Не бидете ниту идолослужители, како некои од нив, за кои е напишано: „Народот седна да јаде и да пие, па стана да игра.“
8 И да не блудничиме, како некои од нив што блудничеа, и во еден ден загинаа дваесет и три илјади.
9 И да не Го искушуваме Христос, како што некои од нив Го искушуваа, и загинаа од змии.
10 Не мрморете, како што некои од нив замрмореа, па загинаа од Истребителот.
11 Сето тоа ним им се случуваше да служат како пример, а беше запишано нам за опомена, до кои стигна крајот на вековите.
12 Затоа, кој мисли дека стои, нека гледа да не падне.
13 Друго искушение вас не ве зафати, освен човечкото; но верен е Бог, Кој нема да допушти да бидете искушувани повеќе од силата ваша, а заедно со искушението ќе ви даде и излез, за да можете да издржите.