32 И сведочеше Јован, велејќи: „Го видов Духот да слегува од небото како гулаб и остана над Него.
33 Јас не Го познавав, но Оној, што ме прати да крштевам со вода, Тој ми рече: ‚Врз Кого ќе видиш дека слегува Духот и дека останува над Него, Тој е Оној што ќе крштева со Дух Свети.‘
34 И јас видов и посведочив дека Тој е Син Божји.“
35 А на другиот ден, пак, стоеше Јован и двајца од неговите ученици.
36 И штом Го виде Исуса како оди, рече: „Еве Го Јагнето Божјо!“
37 Кога ги чуја од него тие зборови, обата ученика отидоа по Исуса.
38 А Исус, кога се сврте и виде дека одат по Него, им рече: „Што барате?“ Тие Му одговорија: „Рави што значи – Учителе, каде живееш?“