27 Моите овци го слушаат Мојот глас и Јас ги познавам; и тие одат по Мене,
28 и Јас им давам вечен живот; и никогаш нема да загинат; и никој не ќе ги истргне од раката Моја.
29 Мојот Отец, што Ми ги даде, е поголем од сите; и никој не може да ги грабне од раката на Мојот Отец.
30 Јас и Отецот сме едно.“
31 А Јудејците, пак, зедоа камења да Го каменуваат.
32 Исус им одговори: „Многу добри дела ви јавив од Мојот Отец; за кое од тие дела фрлате камења на Мене?“
33 Му одговорија Јудејците, велејќи: „За добро дело камења не фрламе на Тебе, туку за хулење, зашто Ти, иако си човек, се правиш Бог.“