1 Kamora tseo, Nahashe, morena wa bana ba Ammone, a timela, mme mora wa hae ya eba morena tulong tsa hae.
2 Davida a re: Ke tla bontsha Hanune, mora Nahashe, mosa wa ka, kahobane le ntatae o kile a mpontsha mosa wa hae. Kahoo, Davida a roma bahlanka ba tle ba mo tshedise bakeng sa ho shwa ha ntatae. Bahlanka ba Davida ba fihla naheng ya bana ba Ammone ho Hanune, ba re, ba tla mo tshedisa.
3 Empa baholo ba bana ba Ammone ba re ho Hanune: Ha Davida a rometse batshedisi ho wena, hleka o re, ke ka ho hlonepha ntatao na? Ha bahlanka ba hae ba tlile ho wena, na hase ka baka la ho tla qamakisisa motse, le ho timetsa, le ho hlwela naha na?
4 Yaba Hanune o tshwara bahlanka ba Davida, a ba beola, a seha diaparo tsa bona kalehare ho isa lethekeng, mme a ba kgutlisa ba le jwalo.