1 Bana ke bana ba Iseraele ka palo ya bona, dihlooho tsa matlo a bontata bona, le balaodi ba dikete le ba makgolo, le bahlahlobi ba bona, ba neng ba sebeletsa morena tabeng tsohle tsa dihlopha, kamoo di neng di tshwanetse ho kena le ho tswa mosebetsing kateng, ka kgwedi e nngwe le e nngwe, kgweding tsohle tsa selemo; hlopha se seng le se seng e ne e le sa batho ba dikete tse mashome a mabedi a metso e mene.
2 Molaodi wa hlopha sa pele, kgweding ya pele, e ne e le Jashobeame, mora Sabdiele; hlopheng sa hae o ne a na le batho ba kete tse mashome a mabedi a metso e mene.
3 E be e le wa bara ba Peretse, hape e le hlooho ya balaodi bohle ba makgotla a ntwa ka kgwedi ya pele.
4 Molaodi wa hlopha sa kgwedi ya bobedi, e ne e le Dodai, Moakoke; Miklothe e ne e le motsamaisi wa hlopha sa hae; mme o ne a na le batho ba dikete tse mashome a mabedi a metso e mene sehlopheng sa hae.
5 Molaodi wa lekgotla la boraro la ntwa, ka kgwedi ya boraro, e ne e le Benaia, hlooho, mora Jehojada moprista; hlopheng sa hae o ne a na le batho ba dikete tse mashome a mabedi a metso e mene.
6 Benaia eo e ne e le ya matla hara ba mashome a mararo, a feta ba mashome a mararo; mora hae Ammisabade e ne e le motsamaisi e mong wa hlopha sa hae.
7 Kgweding ya bone, molaodi wa bone e ne e le Asaele ngwanabo Joabe; ya mo hlahlamang ya eba mora hae Sebadia; hlopheng sa hae o ne a na le batho ba kete tse mashome a mabedi a metso e mene.
8 Kgweding ya bohlano, molaodi wa bohlano e ne e le Shamehuthe Mojisrahe; hlopheng sa hae o ne a na le batho ba dikete tse mashome a mabedi a metso e mene.
9 Kgweding ya botshelela, molaodi wa botshelela e ne e le Ira, mora Ikkeshe wa Tekowa; hlopheng sa hae o ne a na le batho ba dikete tse mashome a mabedi a metso e mene.
10 Kgweding ya bosupa, molaodi wa bosupa e ne e le Heletse wa Pelone, wa bara ba Efraime; hlopheng sa hae o ne a na le batho ba dikete tse mashome a mabedi a metso e mene.
11 Kgweding ya boroba meno e le mmedi, molaodi wa boroba meno e le mmedi e ne e le Sibbekai wa Husha, wa Baserake; hlopheng sa hae o ne a na le batho ba dikete tse mashome a mabedi a metso e mene.
12 Kgweding ya boroba mono o le mong, molaodi wa boroba mono o le mong e ne e le Abiesere wa Anathothe, Mobenjamine; hlopheng sa hae o ne a na le batho ba dikete tse mashome a mabedi a metso e mene.
13 Kgweding ya leshome, molaodi wa leshome e ne e le Maharai wa Nethofa, wa Baserake; hlopheng sa hae o ne a na le batho ba dikete tse mashome a mabedi a metso e mene.
14 Kgweding ya leshome le motso o mong, molaodi wa leshome le motso o mong e ne e le Benaia wa Pirathone, wa bara ba Efraime; hlopheng sa hae o ne a na le batho ba dikete tse mashome a mabedi a metso e mene.
15 Kgweding ya leshome le metso e mmedi, molaodi wa leshome le metso e mmedi e ne e le Heldai wa Nethofa, wa ba ha Othniele; sehlopheng sa hae o ne a na le batho ba dikete tse mashome a mabedi a metso e mene.
16 Haele bakeng sa meloko ya Iseraele, molaodi wa Barubene e ne e le Eliesere mora Sikri; wa Basimeone e ne e le Shefathia, mora Maaka;
17 wa Balevi e ne e le Hashabia, mora Kemuele; wa Baarone e ne e le Tsadoke;
18 wa Juda e ne e le Elihu, e mong wa banababo Davida; wa Issaskare e ne e le Omri, mora Mikaele;
19 wa Sabulone e ne e le Jishemaia, mora Obadia; wa Nefthali e ne e le Jerimothe, mora Asriele;
20 wa bara ba Efraime e ne e le Hosea, mora Asasia; wa mothapo o mong wa Manasse e ne e le Joele, mora Pedaia;
21 wa mothapo wa bobedi wa Manasse, Gileade, e ne e le Jiddo, mora Sakaria; wa Benjamine e ne e le Jaasiele, mora Abnere;
22 wa Dane e ne e le Asareele, mora Jerohame. Ke wona mahosana a meloko ya Iseraele.
23 Davida o ne a sa ka a bala palo ya Baiseraele ba neng ba na le dilemo tse sa fihleng mashomeng a mabedi; etswe Jehova a ne a boletse hore o tla atisa Iseraele, a be ka ka dinaledi tsa lehodimo.
24 Joabe, mora Tseruja, o ne a qadile ho ba bala, empa a sa ka a phetha, hobane Jehova o ne a halefetse Iseraele, ka baka la palo eo; ke kahoo palo e sa kang ya kena mangolong a morena Davida a ngolwang ka letsatsi le leng le le leng.
25 Asmavethe, mora Adiele, a bewa mohlahlobi wa matlotlo a morena; Jonathane, mora Osiase, a bewa mohlahlobi wa mediko e masimong, le metseng, le metsaneng, le ditoreng.
26 Esri, mora Kelube, a bewa mohlahlobi wa ba sebetsang masimong, ba lemang lefatshe.
27 Mohlahlobi wa masimo a merara ya eba Shimei wa Rama; Sabdi wa Shefame ya eba mohlahlobi wa dipolokelo tsa veine masimong a merara.
28 Baale-Hanane ya eba mohlahlobi wa mehlwaare le disikomora tse leng dithoteng; Joashe yena a hlahloba dipolokelo tsa ole.
29 Shithrai wa Sarone a hlahloba makgomo a fulang Sarone; Shafathe, mora Adlai, yena a hlahloba makgomo a dikgutlong.
30 Obile Moishmaele ya eba mohlahlobi wa dikamele; Jehdia wa Meronothe a hlahloba diesele.
31 Jasise Mohagerene yena a hlahloba manku. Kaofela ha bao e ne e le bahlahlobi ba maruo a morena Davida.
32 Haele Jonathane, maloma Davida, e ne e le monna wa lekgotla, motho ya kelello, ya rutehileng. Jehiele, mora Hakmoni, o ne a dula le bara ba morena.
33 Akitofele e ne e le moeletsi wa morena; Hushai Moarke yena e ne e le motswalle wa morena.
34 Kamora Akitofele, Jehojada, mora Benaia, le Abiathare, e ne e le baeletsi. Molaodi wa makgotla a morena e ne e le Joabe.