1 Bara ba Juda ke Peretse, Hetsrone, Karmi, Hure, le Shobale.
2 Reaia, mora Shobale, a tswala Jahathe; Jahathe a tswala Akumai le Lahade: ke yona meloko ya Batsoreathe.
3 Bao e leng ba Abi-Ethame ke Jisreele, Jishma, le Jidbashe; bitso la kgaitsedi ya bona ke Hatselelponi;
4 hape ke Penuele ntata Gedore, le Esere ntata Husha. Bao ke bara ba Hure, letsibolo la Efrata, ntata Bethlehema.
5 Ashure, ntata Tekowa, o ne a ena le basadi ba babedi, Helea le Naara.
6 Naara a mo tswalla Akussame, Hefere, Themeni, le Ahahashtari: bao ke bara ba Naara.
7 Bara ba Helea ke Tserethe, Tsohare, le Ethnane.
8 Hakotse a tswala Anube, le Hatsobeba, le lesika la Akarhele, mora Harume.
9 Jaebetse yena o ne a hlompheha ho ena le banababo; mme mmae o ne a mo reile lebitso la Jaebetse, ka ho re: Ke mo tswetse ka bohloko.
10 Jaebetse a bitsa Modimo wa Iseraele, a re: Oho, o ke o ntlhohonolofatse; o atise naha ya ka; letsoho la hao le nne le be ho nna; hape, ako ntshireletse bobeng, bo tle bo se ke ba nkutlwisa bohloko. Yaba Modimo o mo sitsa ka seo a se kopileng.
11 Kelube, ngwanabo Shuha, a tswala Mehire, ntata Eshthone.
12 Eshthone a tswala Bethe-Rafa, Pasea, le Thehinna ntata Irnahashe. Bao ke banna ba ha Reka.
13 Bara ba Kenase ke Othniele le Seraia; mora wa Othniele ke Hathathe.
14 Meonothai a tswala Ofra; mme Seraia a tswala Joabe, ntata Ge-Harashime; bao e ne e le malala.
15 Bara ba Kalebe, mora Jefunne, ke Iru, Ela, le Naame, le bara ba Ela, le Kenase.
16 Bara ba Jehalleleele ke Sife, Sifa, Thiria, le Asareele.
17 Bara ba Esdrase ke Jethere, Merede, Efere, le Jalone; mosadi wa Merede a tswala Miriame, Shammai, le Jishba, ntata Eshthemowa.
18 Mosadi wa hae, Jehudija, a tswala Jerede ntata Gedore, le Hebere ntata Soko, le Jekuthiele ntata Sanowa. Bao ba pele ke bara ba Bithia, moradi wa Faro, ya neng a nyetswe ke Merede.
19 Bara ba mosadi wa Hodia, kgaitsedi ya Nahame, ke ntata Kehila Mogarme, le Eshthemowa Momaakathe.
20 Bara ba Simone ke Amnone, Rinna, Bene-Hanane, le Thilone. Bara ba Jishei ke Sohethe le Bene-Sohethe.
21 Bara ba Shela, mora Juda, ke Ere ntata Leka, le Laeda ntata Maresha, le masika a ba neng ba sebetsa masela a lene, e le ba ntlo ya Ashbea,
22 le Jokime, le banna ba Koseba, le Joase, le Sarafe, ba kileng ba busa Moabe, le Jashubi-Leheme. Taba tseo ke taba tsa kgale.
23 Bao ke dibopi; ba ne ba ahile Netaime le Gedera; ba ne ba aha hammoho le morena, ba tle ba sebetse mosebetsi wa hae.
24 Bara ba Simeone ke Nemuele, Jamine, Jeribe, Sera, le Saule;
25 le Shallume mora hae, le Mibsame mora hae, le Mishma mora hae.
26 Bara ba Mishma ke mora hae Hammuele, le mora hae Sakkure, le mora hae Shimei.
27 Shimei yena o ne a na le bara ba leshome le metso e tsheletseng le baradi ba tsheletseng; empa banababo ba ne ba se na bana ba bangata, mme masika a bona ha a ka a ata, jwaloka a bana ba Juda.
28 Ba ya haha Beerseba, Molada, Hatsare-Shuale,
29 Bilha, Etseme, Tholade,
30 Bethuele, Horma Tsiklage.
31 Bethe-Markabothe, Hatsare-Susime, Bethe-Birei, le Shaaraime. Ke yona metse ya bona ho ya fihla mehleng ya puso ya Davida.
32 Metse ya bona ke Ethame, Aine, Rimmone, Thokene, le Ashane: ke metse e mehlano;
33 hape ke metsana ya bona kaofela e neng e kopile metse eo, ho ya fihla Baale. Madulo a bona ke ao le lesika la bona ke leo.
34 Haele Meshobabe, Jamleke, Joshua mora Amatsia,
35 Joele, Jehu mora Joshibia, mora Seraia, mora Asiele,
36 le Elioenai, Jaakoba, Jeshohaia, Asaia, Adiele, Jesimiele, Benaia,
37 le Sisa mora Shifei, mora Allone, mora Jedaia, mora Shimri, mora Shemaia,
38 bao ha ba thonngwa ka mabitso a bona, e ne e le mahosana melokong ya bona; mme matlo a bontata bona a nna a ata haholo.
39 Ba ya fihla pela Gedore, ho ya fihla ka nqa ho le letshehadi ho kgohlo, hore ba batle makgulo a mehlape ya bona.
40 Ba fihlela makgulo a nonneng, a molemo, naha ya teng e le sephara e letse, e dutse ka kgotso; ke Bakama ba neng ba ahile teng mehleng ya boholoholo.
41 Bao ba tswang ho thonngwa ka mabitso a bona ba ne ba tlile moo mehleng ya Esekiase, morena wa Juda; ba ne ba timeditse ditente tsa bona, le Bameunime, mme ba ba neela anathema; le kajeno ho ntse ho le jwalo; ba aha tulong tsa bona; hobane teng ho ne ho na le makgulo a mehlape ya bona.
42 Ba bang ho bona, ba bara ba Simeone, e le banna ba makgolo a mahlano, ba futuhela thaba ya Seire, ba laotswe ke Pelathia, Nearia, Refaia, le Usiele, bara ba Jishei.
43 Ba qhala masala a Baamaleke a neng a phonyohile, mme ba aha teng ho fihla tsatsing la kajeno.