1 Baiseraele kaofela ba balwa jwalo masikeng a bona; ba ngodilwe bukeng ya marena a Iseraele. Haele Juda, a iswa kgolehong Babilona ka baka la meikgantsho ya hae.
2 Haele ba kileng ba aha ha bona pele, metseng ya bona, e ne e le Baiseraele, le baprista, le Balevi le Banethinime.
3 Jerusalema, ha aha ba bang ba bara ba Juda, le ba bara ba Benjamine, le ba bara ba Efraime le Manasse,
4 e leng Uthai, mora Ammihude, mora Omri, mora Imri, mora Bani, wa bara ba Peretse, mora Juda.
5 Ho Bashilone, ke Asaia wa letsibolo le bara ba hae;
6 ho bara ba Sera, ke Jeuele le banababo, e leng batho ba makgolo a tsheletseng a mashome a robileng mono o le mong.
7 Ho bara ba Benjamine, ke Sallu, mora Meshullame, mora Hodavia, mora Assenua,
8 le Jibneia, mora Jerohame, le Ela, mora Ussi, mora Mikri, le Meshullame, mora Shefathia, mora Reuele, mora Jibnija,
9 le banababo, melokong ya bona, e le batho ba makgolo a robileng mono o le mong a mashome a mahlano a metso e tsheletseng. Banna bao kaofela e ne e le dihlooho tsa matlo a bontata bona, matlung a bontata bona.
10 Ho baprista, ke Jedaeia, Jehojaribe, Jakine,
11 le Asaria, mora Hilkia, mora Meshullame, mora Tsadoke, mora Merajothe, mora Akitube, modisa wa ntlo ya Modimo;
12 le Adaia, mora Jerohame, mora Pashkure, mora Malkija, le Maesai, mora Adiele, mora Jahsera, mora Meshullame, mora Meshillemithe, mora Immere;
13 le banababo bona, dihlooho tsa matlo a bontata bona, e le batho ba sekete se nang le makgolo a supileng le mashome a tsheletseng; e ne e le banna ba matla mosebetsing wa tshebetso ya ntlo ya Modimo.
14 Ho Balevi, ke Shemaia, mora Hashube, mora Asrikame, mora Hashabia, wa bara ba Merari;
15 le Bakbakkare, Hereshe, Galale, le Matthania, mora Mikea, mora Sikri, mora Asafe;
16 le Obadia, mora Shemaia, mora Galale, mora Jeduthune, le Berekia, mora Asa, mora Elkana, ya neng a ahile metseng ya Banethofathe.
17 Balebedi ba menyako ke Shallume, Akkube, Thalmone, Akimane, le banababo bona; Shallume e ne e le hlooho ya bona;
18 ho fihlela jwale, o ne a lebeletse monyako wa morena ka nqa botjhabela; e be e le bona balebedi ba menyako dihlopheng tsa bara ba Levi.
19 Shallume, mora Kore, mora Ebiasafe, mora Kore, a ena le banababo ba ntlo ya ntatae, e leng Bakore, ba ne ba tshwere mosebetsi wa ho lebela menyako ya tabernakele; haele bontata bona, ba neng ba disa diahelo tsa Jehova, e ne e le balebedi ba monyako wa tsona.
20 Mehleng ya kgale, Finease, mora Eleasare, ya eba modisa wa bona, mme Jehova a nna a ba le yena.
21 Sakaria, yena, mora Meshelemia, e ne e le molebedi wa monyako wa tente ya pokano.
22 Bao kaofela ba neng ba kgethilwe ho ba balebedi ba menyako, e ne e le ba makgolo a mabedi a leshome le metso e mmedi. Ba ne ba badilwe ka masika a bona metsaneng ya bona, e le ba neng ba kgethetswe kabelo eo e tiileng, ke Davida le Samuele seboni.
23 Kahoo, bona le bana ba bona ba ne ba lebela menyako ya ntlo ya Jehova, e leng ntlo ya tabernakele, ka dihlopha tsa bona.
24 Balebedi ba ne ba le ka nqa tse nne, ka nqa botjhabela, le ka nqa bophirimela, le ka nqa leboya, le ka nqa borwa.
25 Banababo bona ba neng ba le metsaneng ya bona, ba ne ba tshwanetse ho tla ho bona kamora tshiu tse supileng, ho ya ka dinako tse beilweng.
26 Balevi bao ba bane, e neng e le balebedi ba baholo, ba ne ba le kabelong ya bona kamehla, mme hape, ba ne ba lebela dikamore le matlo a matlotlo a ntlo ya Modimo.
27 Ba ne ba hlola bosiu pela ntlo ya Modimo, hobane ba ne ba beilwe ho lebela, mme ba ne ba na le kabelo ya ho e bula ka hosasa ho hong le ho hong.
28 Ba bang ba ne ba neilwe kabelo ya ho baballa mesebetsi e sebeletsang; ba ne ba e bala ha ba e ntsha, ba ne ba e bala ha ba e busa.
29 Ba bang ba ne ba kgethetswe ho baballa mesebetsi le diphahlo tsohle tsa sehalalelo, le lefi la phofo, le veine, le ole, le dibano, le dinoko.
30 Dibano tse tswakilweng di ne di etswa ke bara ba baprista.
31 Matthithia, wa Balevi, letsibolo la Shallume wa Bakore, o ne a beilwe ho baballa mosebetsi wa maqebekwane a phehwang paneng.
32 Banababo bona ba bang, ho Bakehathe, ba ne ba baballa mahobe a pontsha, ba a lokisa ka Sabatha e nngwe le e nngwe.
33 Ke tsona dibini, dihlooho tsa matlo a bontata Balevi, tse neng di ahile dikamoreng, di se na kabelo esele, kahobane di ne di sebetsa mosebetsi wa tsona motshehare le bosiu.
34 Bao e ne e le dihlooho tsa matlo a bontata Balevi melokong ya bona, e ne e le dihlooho; bona ba ne ba ahile Jerusalema.
35 Gibeone, ho ne ho ahile Jeiele ntata Gibeone; lebitso la mosadi wa hae e ne e le Maaka.
36 Mora hae wa letsibolo ke Abdone; bara ba hae ba bang ke Tsure, Kishe, Baale, Nere, Nadabe,
37 Gedore, Akio, Sakaria, le Miklothe.
38 Miklothe a tswala Shimeame. Le bona ba ne ba ahile Jerusalema hammoho le banababo bona, mabapa le banababo bona.
39 Nere a tswala Kishe, Kishe a tswala Saule; Saule a tswala Jonathane, Malkishua, Abinadabe, le Eshbaale.
40 Mora Jonathane ke Meribe-Baale; Meribe-Baale yena a tswala Mikea.
41 Bara ba Mikea ke Pithone, Meleke, le Thahrea.
42 Akase a tswala Jaera, Jaera a tswala Alemethe, Asmavethe, le Simri; Simri yena a tswala Motsa;
43 Motsa a tswala Binea; mora hae ke Refaia, mora hae ke Eleasa, mora hae ke Atsele.
44 Atsele a ba le bara ba tsheletseng; mabitso a bona ke Asrikame, Bokru, Ishmaele, Shearia, Obadia, le Hanane; ke bao bara ba Atsele.