1 Bara ba Levi ke Gershome, Kehathe, le Merari.
2 Bara ba Kehathe ke Amrame, Jitsehare, Hebrone, le Usiele. Bana ba Amrame ke Aarone, Moshe, le Miriame.
3 Bara ba Aarone ke Nadabe, Abihu, Eleasare, le Ithamare.
4 Eleasare a tswala Finease, Finease a tswala Abishua,
5 Abishua a tswala Bukki, Bukki a tswala Ussi,
6 Ussi a tswala Serahia, Serahia a tswala Merajothe,
7 Merajothe a tswala Amaria, Amaria a tswala Akitube,
8 Akitube a tswala Tsadoke, Tsadoke a tswala Akimaatse,
9 Akimaatse a tswala Asaria, Asaria a tswala Johanane,
10 Johanane a tswala Asaria, ya kileng a tshwara tshebetso ya boprista tempeleng e hahilweng Jerusalema ke Salomone;
11 Asaria a tswala Amaria, Amaria a tswala Akitube,
12 Akitube a tswala Tsadoke, Tsadoke a tswala Shallume,
13 Shallume a tswala Hilkia, Hilkia a tswala Asaria,
14 Asaria a tswala Seraia, Seraia a tswala Jehotsadake.
15 Ke eo Jehotsadake ya ileng kgolehong, mohla Jehova a tlosang Juda le ba Jerusalema ka letsoho la Nebukadnesare.
16 Bara ba Levi ke Gershome, Kehathe, le Merari.
17 Mabitso a bara ba Gershome ke Libni le Shimei.
18 Bara ba Kehathe ke Amrame, Jitsehare, Hebrone, le Usiele.
19 Bara ba Merari ke Mahali le Mushi. Ke eo meloko ya Balevi ka ho ya ka bontata bona.
20 Bara ba Gershome ke Libni, mora wa hae, le Jahathe, mora wa hae, le Simma, mora wa hae,
21 le Jowa, mora wa hae, le Iddo, mora wa hae, le Sera, mora wa hae, le Jeathrai, mora wa hae.
22 Bara ba Kehathe ke Amminadabe, mora wa hae, le Kore, mora wa hae, le Assire, mora wa hae,
23 le Elkana, mora wa hae, le Ebiasafe, mora wa hae, le Assire, mora wa hae,
24 le Thahathe, mora wa hae, le Uriele, mora wa hae, le Osiase, mora wa hae, le Saule, mora wa hae.
25 Bara ba Elkana ke Amasai le Akimothe.
26 Haele Elkana, mora wa Elkana ke Tsofai, mora wa hae, Nahathe, mora wa hae,
27 Eliabe, mora wa hae, le Jerohame, mora wa hae, le Elkana, mora wa hae.
28 Bara ba Samuele, ke Joele, letsibolo la hae, wa bobedi ke Abia.
29 Bara ba Merari ke Mahali, le Libni, mora wa hae, le Shimei, mora wa hae, le Ussa, mora wa hae,
30 le Shimea, mora wa hae, le Haggia, mora wa hae, le Asaia mora wa hae.
31 Ba kileng ba bewa ke Davida ho tsamaisa tshebetso ya dipina tlung ya Jehova, mohla areka e boneng phomolo, ke bana:
32 ba nna ba etsa tshebetso eo ka pina pela moo tabernakele ya tente ya pokano e hlomilweng teng, ho fihlela ha Salomone a haha ntlo ya Jehova Jerusalema; teng, ba boela ba tshwara tshebetso ya bona ka lenaneo la bona la ho fapana.
33 Ba neng ba tshwara tshebetso eo hammoho le bana ba bona, ho bara ba Bakehathe e ne e le sebini Hemane, mora Joele, mora Samuele,
34 mora Elkana, mora Jerohame, mora Eliele, mora Thowa,
35 mora Tsufe, mora Elkana, mora Mahathe, mora Amasai,
36 mora Elkana, mora Joele, mora Asaria, mora Sofonia,
37 mora Thahathe, mora Assire, mora Ebiasafe, mora Kore,
38 mora Jitsehare, mora Kehathe, mora Levi, mora Iseraele.
39 E mong e ne e le Asafe, ngwanabo, ya neng a ema ka letsohong la hae le letona; ke Asafe, mora Berekia, mora Shimea,
40 mora Mikaele, mora Baaseia, mora Malkija,
41 mora Ethni, mora Sera, mora Adaia,
42 mora Ethane, mora Simma, mora Shimei,
43 mora Jahathe, mora Gershome, mora Levi.
44 Haele banababo bona, bara ba Merari, ba ne ba ema ka letsohong le letshehadi: e ne e le Ethane, mora Kishi, mora Abdi, mora Malluke,
45 mora Hashabia, mora Amatsia, mora Hilkia,
46 mora Amtsi, mora Bani, mora Shemere,
47 mora Mahali, mora Mushi, mora Merari, mora Levi.
48 Banababo bona, e leng Balevi ba bang, le bona ba newa ditshebetso tsohle tsa tabernakele ya ntlo ya Modimo.
49 Aarone le bara ba hae ba ne ba hlahisa mahlabelo aletareng ya ditjheso le dibano aletareng ya dibano; hape ba ne ba neilwe mesebetsi yohle ya sehalaledisiso, hore ba etsetse Iseraele pheko, kahohle kamoo Moshe, mohlanka wa Modimo, a neng a laetse kateng.
50 Bara ba Aarone, ke Eleasare, mora hae, le Finease, mora hae, le Abishua, mora hae,
51 le Bukki, mora hae, le Ussi, mora hae, le Serahia, mora hae,
52 le Merajothe, mora hae, le Amaria, mora hae, le Akitube, mora hae,
53 le Tsadoke, mora hae, le Akimaatse, mora hae.
54 Madulo a bara ba Aarone, ba meloko ya Bakehathe, a metse ya bona naheng ya bona, ao ba kileng ba abelwa wona ka lotho, ke ana:
55 Ba newa Hebrone naheng ya Juda, le mathoko a teng ka nqa tsohle.
56 Haele masimo a motse oo le metsana ya wona, ba e nea Kalebe, mora Jefunne.
57 Hape, bara ba Aarone ba newa metse e meng Juda: ke Hebrone, motse wa setshabelo, le Libna, ka mathoko a wona, le Jatthire le Eshthemowa ka mathoko a teng,
58 le Hilene le mathoko a teng, le Debire le mathoko a teng,
59 ka Ashane le mathoko a teng, le Bethe-Shemeshe ka mathoko a teng.
60 Lelokong la Benjamine, ba newa Geba le mathoko a teng, le Allemethe le mathoko a teng, le Anathothe ka mathoko a teng. Metse yohle ya bona, melokong ya bona, e ne e le metse e leshome le metso e meraro.
61 Bara ba Kehathe, ba neng ba setse ba mofuta wa leloko leo, ba newa metse ka lotho naheng ya leloko la Efraime, le ya leloko la Dane le ya mothapo o mong wa leloko la Manasse, ya eba metse e leshome.
62 Bara ba Gershome bona, ka ho ya ka meloko ya bona, ba newa metse e leshome le metso e meraro lelokong la Issaskare, le lelokong la Asere, le lelokong la Nefthali, le lelokong la Manasse naheng ya Bashane.
63 Bara ba Merari, ka ho ya ka meloko ya bona, ba newa metse e leshome le metso e mmedi ka lotho lelokong la Rubene, le lelokong la Gade, le lelokong la Sabulone.
64 Bana ba Iseraele ba nea Balevi metse eo ka mathoko a yona.
65 Hape, lelokong la bana ba Juda, le lelokong la bana ba Simeone, le lelokong la bana ba Benjamine, ba ba nea, ka lotho, metse eo e thontsweng ka mabitso a yona.
66 Ba setseng ba meloko ya bara ba Kehathe ba bona metse eo ba ka ahang ho yona lelokong la Efraime.
67 Ba ba nea metse ya setshabelo: ke Sikeme, thabeng ya Efraime, le mathoko a teng; le Gesere ka mathoko a teng,
68 le Jokmeame ka mathoko a teng, le Bethe-Horone le mathoko a teng;
69 le Ajalone le mathoko a teng, le Gathe-Rimmone le mathoko a teng;
70 le mothapong o mong wa leloko la Manasse, ba setseng ba leloko la bara ba Kehathe ba newa Anere le mathoko a teng, le Bileame le mathoko a teng.
71 Bara ba Gershome bona ba newa, mothapong o mong wa leloko la Manasse, Golane le mathoko a teng naheng ya Bashane, le Ashtarothe le mathoko a teng;
72 lelokong la Issaskare, ba newa Kedeshe le mathoko a teng, Dabrathe le mathoko a teng,
73 le Ramothe ka mathoko a teng, le Aneme ka mathoko a teng.
74 Lelokong la Asere, ba newa Mashale ka mathoko a teng, le Abdone ka mathoko a teng,
75 le Hukoke le mathoko a teng, le Rehobe ka mathoko a teng;
76 hape, lelokong la Nefthali ba newa Kedeshe wa Galelea le mathoko a teng, le Hammone le mathoko a teng, le Kiryathaime le mathoko a teng.
77 Ba setseng ba bana ba Merari, lelokong la Sabulone ba newa Rimmone le mathoko a teng, le Thabore le mathoko a teng;
78 ka mose wane ho Jordane, pela Jeriko, ka nqa botjhabela ho Jordane, ba newa lelokong la Rubene Betsere o leng nahathothe le mathoko a teng, le Jahtsa le mathoko a teng,
79 Kedemothe le mathoko a teng, le Mefaathe le mathoko a teng.
80 Lelokong la Gade, ba newa Ramothe-Gileade le mathoko a teng, Mahamaine le mathoko a teng,
81 le Heshbone le mathoko a teng, le Jaesere le mathoko a teng.