7 Mme palo ya bona, ha ba kopanngwa le banababo bona ba neng ba ithutile ho binela Jehova, e leng banna ba rutehileng kaofela, e ne e le batho ba makgolo a mabedi a mashome a robileng meno e le mmedi a metso e robileng meno e le mmedi.
8 Ba laolelwa dikabelo tsa bona ka lotho, e monyenyane le e moholo, ya rutehileng le ya rutwang.
9 Lotho ya pele ya ntsha Josefa wa Asafe; ya bobedi ya ntsha Gedalia; yena le banababo le bara ba hae ba ne ba le leshome le metso e mmedi.
10 Ya boraro ya ntsha Sakkure; yena le bara ba hae le banababo ba ne ba le leshome le metso e mmedi.
11 Ya bone ya ntsha Jitseri; yena le bara ba hae le banababo ba ne ba le leshome le metso e mmedi.
12 Ya bohlano ya ntsha Nethania; yena le bara ba hae le banababo ba ne ba le leshome le metso e mmedi.
13 Ya botshelela ya ntsha Bukkia; yena le bara ba hae le banababo ba ne ba le leshome le metso e mmedi.