2 Samuele

³Yaba Davida o romela ho botsa tsa mosadi eo. Ha thwe: Na hase Bathe-Sheba, moradi wa Eliame, mosadi wa Uria, Mohethe na? ⁴Yaba Davida o romela manqosa ho mo lata; mosadi ha a fihla ho yena, Davida a robala le yena; hobane a itlhatswe ditshila tsa hae, a ipoella ha hae. ⁵Mosadi eo a dula; mme a romela ho tsebisa Davida, a re: Ke moimana. ⁶Yaba Davida o romela ho Joabe, a re: Nthomele Uria, Mohethe. Joabe a romela Uria ho Davida. ⁷Uria ha a fihla, Davida a mmotsa tsa Joabe le setjhaba, le tsa ntwa. ⁸Davida a ba a re ho Uria: Ikele hae, o itlhatswe maoto. Uria a tswa tlung ya morena, mme mpho ya morena ya mo sala morao. ⁹Empa Uria a robala monyako wa ntlo ya morena, hammoho le bahlanka bohle ba monga hae, a se ke a kena tlung ya hae.