2 Samuele

¹¹Ke eletsa ke hona, ke re: Baiseraele bohle ba ke ba phuthelwe ho wena, ho tloha Dane le ho ya fihla Beerseba, ba be ka ka lehlabathe le lebopong la lewatle, mme le wena o futuhe ka sebele sa hao. ¹²Jwale re tla mo fihlela hohle moo a ka fumanwang teng, re mo wele ka sehloho, jwoloka phoka ha e wela fatshe, ho tle ho se ke ha phonyoha motho, leha e le yena, leha e le e mong wa banna bohle ba nang le yena. ¹³Leha a itshabela motseng o mong, Baiseraele bohle ba tla tlisa marapo motseng oo, re o hulele nokeng, ho fihlela ho sa fumanwe lejwe la teng leha le le leng. ¹⁴Yaba Absalome le Baiseraele bohle, ba re: Keletso ya Hushai Moarke e ntle haholo ho fetisa keletso ya Akitofele. Athe ke Jehova ya neng a laetse hore ho senngwe keletso e ntle ya Akitofele, e le hore Jehova a hlahisetse Absalome kotsi. ¹⁵Yaba Hushai o re ho baprista Tsadoke le Abiathare: Akitofele o eleditse Absalome le baholo ba Iseraele ka keletso e itseng, nna ke ba eleditse ka keletso e itseng. ¹⁶Jwale, romelang kapele, le tsebise Davida, hore a se ke a robala bosiu bona nahathothe, a mpe a tshelele mose wane, esere mohlomong morena le setjhaba sohle se leng ho yena ba timetswa. ¹⁷Haele Jonathane le Akimaatse, ba ne ba eme Ene-Rogele. Morwetsana a ya, a ba bolella hore ba ye, ba tsebise morena Davida. Hobane ba ne ba tshaba ho bonwa ha ba kena motseng.