66 Кога Петар беше долу во дворот, дојде една од слугинките на првосвештеникот,
67 па, штом го виде Петар како се грее, го погледна и рече: „И ти беше со Исус од Назарет.“
68 Но тој одрече, велејќи: „Не знам, ниту разбирам што говориш.“ И излезе надвор пред дворот и запеа петел.
69 Слугинката, кога го виде повторно, почна да им зборува на оние што стоеја таму: „И овој е од нив!“
70 Тој пак одрече. Подоцна, оние, што стоеја таму, му рекоа на Петар: „Навистина, и ти си од нив; бидејќи си Галилеец, а и говорот ти е таков!“
71 А тој почна да се колне и заколнува: „Не Го познавам Тој Човек, за Кого говорите!“
72 И по вторпат петел запеа. Петар се сети на зборовите, што му ги кажа Исус: „Уште пред двапати петел да запее, трипати ќе се одречеш од Мене.“ И почна да плаче.