13 Но ви велам дека и Илија дојде, како што е напишано за Него, и му направија што сакаа.“
14 И кога дојде кај учениците Свои, виде многу народ околу нив и книжници, кои се препираа со нив.
15 И штом Го виде, сиот народ се зачуди; и притрчувајќи, Го поздравуваа.
16 Ги праша книжниците: „Зошто се препирате со нив?“
17 Тогаш еден од народот одговори и рече: „Учителе, го доведов кај Тебе син ми, во кого има нем дух;
18 и секогаш, каде и да го фати, го кутнува, и тој се запенува, и крцка со забите, и се здрвува. И им кажав на учениците Твои да го изгонат, но тие не можеа.“
19 А Исус одговори и рече: „О, роде безверен, до кога ќе бидам со вас? До кога ќе ве трпам? Доведете го кај Мене!“