19 A o ‘outou fo‘i, tou te nonofo i tua o le toagalauapi i aso e fitu; ai se na na fasiotia se tasi, ai se na pa‘i atu fo‘i i se tagata oti, tou te fa‘amamāina ‘outou i le aso tolu ma le aso fitu; o ‘outou ‘atoa ma o ‘outou tagata o tau‘a.
20 ‘Ia ‘outou fa‘amamāina fo‘i ‘ofu uma, ma mea uma ‘ua faia i pa‘u, ma mea uma ‘ua faia i fulufulu o ‘oti, ‘atoa ma mea uma ‘ua faia i la‘au.”
21 ‘Ua fai atu fo‘i Eleasaro le ositaulaga i ‘au na ō atu i le tau‘a, “O le sauniga lenei o le tulafono na poloa‘i mai ai le ALI‘I ‘iā Mose,
22 Tau lava o le auro, ma le ario, o le ‘apamemea, o le u‘amea, o le ‘apa sinasina, ma le pulu,
23 o mea uma e lē afaina i le afi tou te tu‘u i le afi, ‘ona mamā ai lea; ‘ae ui lava i lea ‘ia fa‘amamāina pea i le vai mo ē ‘ua leaga; a o mea uma e leaga i le afi tou te tu‘u i le vai.
24 Tou te taia fo‘i o ‘outou ‘ofu i le aso fitu, ‘ona mamā ai lea o ‘outou, mulimuli ane tou ō mai i le toagalauapi.”
25 ‘Ona fetalai mai lea o le ALI‘I ‘iā Mose, ‘ua fa‘apea mai,