21 ‘Ua fai atu fo‘i Eleasaro le ositaulaga i ‘au na ō atu i le tau‘a, “O le sauniga lenei o le tulafono na poloa‘i mai ai le ALI‘I ‘iā Mose,
22 Tau lava o le auro, ma le ario, o le ‘apamemea, o le u‘amea, o le ‘apa sinasina, ma le pulu,
23 o mea uma e lē afaina i le afi tou te tu‘u i le afi, ‘ona mamā ai lea; ‘ae ui lava i lea ‘ia fa‘amamāina pea i le vai mo ē ‘ua leaga; a o mea uma e leaga i le afi tou te tu‘u i le vai.
24 Tou te taia fo‘i o ‘outou ‘ofu i le aso fitu, ‘ona mamā ai lea o ‘outou, mulimuli ane tou ō mai i le toagalauapi.”
25 ‘Ona fetalai mai lea o le ALI‘I ‘iā Mose, ‘ua fa‘apea mai,
26 “‘Ia e faitau mai le ‘ato‘atoa o mea na maua i le vete, o tagata ‘atoa ma manu; o oe ma Eleasaro le ositaulaga, ma matai sili o le fa‘apotopotoga;
27 ma ‘ia ‘outou vaeluagalemūina o mea na maua mo i latou ē na faia le tau‘a, ma latou ō atu e tau i le tau‘a, ‘atoa ma le fa‘apotopotoga uma.