1 Julle moet die Here prys,julle moet die Naam van die Here prys. Dienaars van die Here, julle moet Hom prys,
2 julle wat in die tempel werken op die oop stukke grondvan die tempel van ons God.
3 Julle moet die Here prys,want die Here is goed,julle moet sing en sy Naam prys,want sy Naam is mooi.
4 Want die Here het vir Jakob gekiesvir Homself,Hy het vir Israel gekies om sy eie volk te wees.
5 Ja, ek weet dit, die Here is groot,ons Here is groter as al die gode.
6 Die Here doen alles wat Hy wil doen,in die hemel en op die aarde,in die see en die diep water.
7 Dit is die Here wat die wolke laat opkomvan die kante van die aarde,dit is Hý wat die weerlig maak vir die reën,dit is Hý wat die wind laat uitkom uit sy stoorkamers.
8 Dit is Hy wat die eerstes in Egiptelaat sterf het, die eerste kinders van menseen die eerste lammers en kalwers van die diere.
9 Hy het tekens en wonderwerke gedoenin Egipte,Hy het dit gedoen teen die faraoen al sy amptenare.
10 Dit is die Here wat baie volke oorwin heten wat sterk konings laat sterf het:
11 Hy het koning Sihon van die Amoriete laat sterf,en koning Og van Basan,en al die konings van die land Kanaän.
12 En toe het die Here húlle lande gegeevir sy volk Israel,dit het die Israeliete se land geword.
13 Here, almal sal altyd u Naam ken,elke nuwe geslag sal weet van U.
14 Want die Here sal reg doen aan sy volk,Hy sal weer jammer wees vir sy dienaars.
15 Die volke se afgode is van silwer of goud,mense het hulle gemaak.
16 Die afgode het monde, maar hulle kan nie praat nie,hulle het oë, maar hulle kan nie sien nie,
17 hulle het ore, maar hulle kan nie hoor nie,hulle haal ook nie asem nie.
18 Die mense wat die afgode gemaak het,is soos hulle,en almal wat in hulle glo,is ook soos hulle.
19 Israeliete, julle moet die Here prys, nageslag van Aäron, julle moet die Here prys,
20 nageslag van Levi, julle moet die Here prys,julle almal wat die Here dien, julle moet die Here prys.
21 Ons prys die Here in Sion,ons prys Hom wat in Jerusalem woon.Julle moet die Here prys.