1 Moisesek israeldarrei adierazi zien Jaunak aginduriko guztia.
2 Ondoren, Jaunaren beste aginduok adierazi zizkien Moisesek Israelgo leinuburuei:
3 «Jaunari eginiko botoz nahiz edozein zin-hitzez bere burua lotzen duen gizasemeak ezin izango du bere hitza jan: zehatz-mehatz beteko du hitzemana.
4 «Eman dezagun, Jaunari botoa egin edo bere burua edozein konpromisoz lotu duena, oraindik aitaren etxean bizi den neskatxa dela.
5 Aitak, jakinaren gainean egonik, deus ere esaten ez badio, boto eta konpromiso guztiak baliozkoak izango dira.