15 А кога се свечери Неговите ученици дојдоа при Него и Му рекоа: „Местово е пусто и времето е веќе поодминато; распушти ги мноштвата да отидат по селата за да си купат храна.”
16 Но Исус им рече: „Нема потреба да одат, дајте им вие да јадат!”
17 А тие Му рекоа: „Тука немаме ништо, но само пет лебови и две риби.”
18 А Тој им рече: „Донесете Ми ги тука.”
19 И заповеда народот да седне по тревата; ги зеде петте лебови и двете риби, погледна кон небото и благослови; ги раскрши лебовите и им ги даде на учениците, а учениците на мноштвата.
20 И сите јадоа и се наситија; и го дигнаа преостанатото од парчињата, дванаесет кошеви полни.
21 А оние, кои јадеа, беа околу пет илјади мажи, освен жените и децата.