21 Исус му рече: „Ако сакаш да бидеш совршен, оди, продај го својот имот и дај им на сиромасите, и ќе имаш благо на небото! Дојди и следи Ме!”
22 А кога момчето го чу тој збор, си отиде нажален, зашто имаше многу имоти.
23 А Исус им рече на Своите ученици: „Вистина ви велам: богат мачно ќе влезе во небесното царство!”
24 И пак ви велам: „Полесно и е на камилата да помине низ иглени уши, отколку на богатиот да влезе во Божјото Царство.”
25 Кога учениците го чуја тоа се зачудија мошне и рекоа: „Тогаш, кој може да се спаси?”
26 Исус ги погледна и им рече: „На луѓето ова им е невозможно, но за Бога сè е возможно.”
27 Тогаш Петар одговори и Му рече: „Еве, ние оставивме сè и тргнавме по Тебе; и така, ние што ќе имаме?”