14 И Му пристапија слепи и хроми, во Храмот, и ги излекува.
15 А кога првосвештениците и книжниците ги видоа чудесата што ги направи, и децата, кои викаа во Храмот: „Осана на Давидовиот Син!”, се налутија
16 и Му рекоа: „Слушаш ли што зборуваат овие?” А Исус им рече: „Да, зар не сте читале никогаш: ‘Од устата на децата и доилчињата, Си приготви пофалба?’”
17 И ги остави и излезе од градот во Витанија и преноќева таму.
18 А кога утредента се враќаше во градот, огладне.
19 И виде смоква покрај патот и отиде до неа, но не најде ништо на неа, освен лисјата, и и рече: „Отсега да нема плод од тебе довека!” И смоквата се исуши веднаш.
20 И кога учениците го видоа тоа, се зачудија и рекоа: „Како се исуши смоквата веднаш?”