41 Две жени ќе мелат на мелница; едната ќе биде однесена, а другата оставена.
42 Затоа, бдејте, зашто не знаете кога ќе дојде вашиот Господ!
43 А знајте го ова: ако домаќинот би знаел во која ноќна стража ќе дојде крадецот, би бдеел и не би дозволил да му се поткопа куќата.
44 Затоа и вие бидете готови, зашто Човечкиот Син ќе дојде во час, кога не мислите.”
45 И така, кој е оној верен и благоразумен слуга, кого господарот го поставил над слугите свои, за да им дава храна навреме?
46 Блажен е оној слуга, кого неговиот господар - кога ќе дојде - ќе го најде да прави така.
47 Вистина ви велам: ќе го постави над сиот свој имот.