1 O oe fo‘i, ‘ia e sauni se pese e aualofa a‘i ‘ona o ali‘i sili o Isaraelu,
2 ma ia fa‘apea atu, Po o ai lou tinā?O le leona fafine; na ia ta‘oto fa‘atasi ma leona,na ia tausi ana tama fa‘atasi ma leona ta‘anoa.
3 Na ia avatu le tasi o ana tama;‘ua ‘avea ia ma leona ta‘anoa,‘ua a‘oa‘o i saei manu, ‘ua ‘ai tagata.
4 ‘Ua o‘o lona logo i nu‘u ‘ese;na maua o ia i la latou lua.‘Ona latou ‘ave lea ‘iā te ia ma le mama e tali a‘i i le nu‘u o Aikupito.
5 ‘Ua iloa fo‘i e ia ‘ua ia fa‘atalitali a ‘ua fa‘aumatia lona fa‘atuatuaga.‘Ona ‘avea lea e ia o le tasi o ana tama,‘ua fai ai o ia ma leona ta‘anoa.
6 ‘Ona fealualua‘i lea o ia fa‘atasi ma leona,‘ua ‘avea ma leona ta‘anoa,‘Ua a‘oa‘o i saei manu, ‘ua ‘ai tagata.
7 Na ia iloa o latou maota ‘ua gaogao,na ia fa‘atafunaina fo‘i o latou ‘a‘ai,o le ta‘alili fo‘i o lona tagi na gaogao ai le nu‘u,ma mea ‘ua tumu ai.
8 ‘Ona fa‘asaga lea ‘iā te ia o nu‘u mai itū mālō i itū uma,‘ua folasia lo latou ‘upega ‘iā te ia;‘ua maua o ia i la latou lua.
9 ‘Ona latou tu‘u lea ‘iā te ia i le fale puipui ma le mama i lona isu,‘ua latou ‘ave fo‘i ‘iā te ia i le tupu o Papelonia;na latou ‘ave ‘iā te ia i ‘olo,‘ina ‘ia lē toe lagona lava lona leo i mauga o Isaraelu.
10 E tusa lou tinā ma le vine e pei o oe,sa totō e lata ane i vai.Na fua ia, ‘ua lauolaola ‘ona la,auā o vai ‘inā tele.
11 Na ‘iā te ia o la‘au malolosie fai ma to‘oto‘o o faipule.Na maualuga fo‘i lona umi i totonu o la felefele;na tu mai fo‘i o ia i lona maualuga i totonu o la tetele.
12 ‘Ae peita‘i na lia‘iina ia i le ita tele,na lafotūina i le ‘ele‘ele.‘Ua mago lona fua i le matagi mai sasa‘e,‘ua gauia ona la‘au malolosi,‘ua mamago, ‘ua susunuina i le afi.
13 A o ona po nei ‘ua totōina ia i le vao,o le nu‘u naumati, ‘ua leai se vai.
14 Na alu atu fo‘i le afi a‘i le la‘au i ‘ona la,‘ua susunu ai ona fua.O le mea lea e lē toe i ai se la‘au malosi ‘iā te iae fai ma to‘oto‘o e pule.O le mea e tagi ai lea, e fai pea fo‘i ma mea e tagi ai.