Mattheu

¹Yare ha a bileditse ho yena barutuwa ba hae ba leshome le metso e mmedi, a ba nea matla a ho hlola meya e ditshila, ho e lahlela ntle, le ho fodisa malwetse wohle le mefokolo yohle. ²Mabitso a baapostola ba leshome le metso e mmedi, ke ana: Wa pele, ke Simone, ya bitswang Petrose, le Andrease, ngwanabo; Jakobo, mora Sebedea, le Johanne, ngwanabo; ³Filipi le Bartholome; Thomase le Mattheu, molekgetho; Jakobo, mora Alfea, le Thaddea; ⁴Simone, Mokanana, le Judase Iskariota, yena ya ekileng Jesu. ⁵Jesu a roma ba leshome le metso e mmedi bao, a ba laela, a re: Le se ke la ya ho baditjhaba, mme le se ke la kena motseng ofe kapa ofe wa Basamaria; ⁶le mpe le ye dinkung tsa ntlo ya Iseraele tse timetseng. ⁷Ha le ntse le tsamaya, le bolele, le re: Mmuso wa mahodimo o atametse.