Mattheu

³²E mong le e mong ya tla mpolela pela batho, le nna ke tla mmolela pela Ntate ya mahodimong; ³³empa e mong le e mong ya tla ntatola pela batho, le nna ke tla mo latola pela Ntate ya mahodimong. ³⁴Le se ke la hloma ekaba ke tlile ho romela kgotso lefatsheng; ha ke a tla ho romela kgotso, empa e le lerumo. ³⁵Hobane ke tlile ho fapanya motho le ntatae, moradi le mmae, ngwetsi le matsala yona; ³⁶le bafo ba motho e tla ba dira ho yena. ³⁷Ya ratang ntatae, leha e le mmae haholo ho nna, ha a ntshwanele; le ya ratang mora hae, leha e le moradi wa hae haholo ho nna, ha a ntshawanele; ³⁸mme ya sa nkeng sefapano sa hae, a ntatela, ha a ntshwanele.