Mattheu

¹⁰A romela ho kgaola Johanne hlooho teronkong. ¹¹Hlooho ya hae ya tliswa ka mokeke, ya newa morwetsana, mme a e isa ho mmae. ¹²Jwale barutuwa ba Johanne ba tla, ba nka setopo, ba se epela, ba ntoo ya bolella Jesu. ¹³Jesu yare hoba a utlwe taba eo, a tloha moo ka sekepana, a ikela thoko, feelleng. Eitse hobane matshwele a utlwe, a mo latela teng ka maoto, a etswa metseng. ¹⁴Jesu ha a etswa, a bona bongata bo boholo, a bo utlwela bohloko, a fodisa ba kulang ba bona. ¹⁵Yare mantsiboya, barutuwa ba hae ba mo atamela, ba re: Mona ke feelleng, le letsatsi le se le ile; o ke o kgutlise bongata, bo ikele metsaneng ho ithekela dijo. ¹⁶Empa Jesu a re ho bona: Ha ba tshwanela ho tloha; ba fepeng e le lona.