Mattheu

¹³Jesu yare hoba a utlwe taba eo, a tloha moo ka sekepana, a ikela thoko, feelleng. Eitse hobane matshwele a utlwe, a mo latela teng ka maoto, a etswa metseng. ¹⁴Jesu ha a etswa, a bona bongata bo boholo, a bo utlwela bohloko, a fodisa ba kulang ba bona. ¹⁵Yare mantsiboya, barutuwa ba hae ba mo atamela, ba re: Mona ke feelleng, le letsatsi le se le ile; o ke o kgutlise bongata, bo ikele metsaneng ho ithekela dijo. ¹⁶Empa Jesu a re ho bona: Ha ba tshwanela ho tloha; ba fepeng e le lona. ¹⁷Ba re ho yena: Ha re na letho mona, haese mahobe a mahlano feela le dihlapi tse pedi. ¹⁸Yaba o re: Di tliseng mona ho nna. ¹⁹Eitse hobane a laele bongata ho dula hodima jwang, a nka mahobe a mahlano le dihlapi tse pedi, a lelala hodimo, a boka; a ntoo ngwatha mahobe, a a nea barutuwa ba hae, mme barutuwa ba a abela bongata.