Mattheu

²³Eitse hobane a kgutlise matshwele, a nyolohela thabeng ho ya rapela kathoko; a phirimelwa a sa le hona teng a nnotshi. ²⁴Sekepana sona se ne se se se le hara lewatle, se tsokotswa ke maqhubu a metsi; hobane moya o ne o se hanela. ²⁵Eitse ka tebelo ya bone ya bosiu, Jesu a tla ho bona, a tsamaya hodima lewatle. ²⁶Barutuwa ha ba mmona a tsamaya hodima lewatle, ba tshoha, ba re: Ke sethotsela; mme ba meketsa ke ho tshaba. ²⁷Empa Jesu a phakisa a bua le bona, a re: Betang dipelo, ke nna, se tshabeng. ²⁸Petrose a mo araba, a re: Morena, haeba ke wena, laela hore ke tle ho wena hodima metsi. ²⁹A re: Tloo! Yaba Petrose o tswa sekepaneng, a tsamaya hodima metsi, a ya ho Jesu.